Prep4Success mugallymlar programmasy — 2026-njy ýyl

Prep4Success mugallymlar maksatnamasy — bu “Halkara bilim boýunça amerikan geňeşlikleriniň” (American Councils) hünär kämilleşdiriş başlangyjy bolup, ol esasan Türkmenistandaky iňlis dili mugallymlary üçin niýetlenendir. Programma häzirki zaman pedagogikasy, talyp merkezli okatmak we tehnologiýalar arkaly okatmak tejribesini kämilleşdirmäge gönükdirilendir. Okuwlar köplenç “Amerikan burçlarynda” ýüzbe-ýüz formatda, onlaýn-komponentleri ulanmak arkaly geçirilýär we maglumatlary seljermek, interaktiw çäreler hem-de talyplary TOEFL synagyna taýýarlamak ýaly endiklere aýratyn üns berilýär. Bu bolsa mugallymlara okadyşyň hilini ýokarlandyrmaga we talyplaryň ABŞ-nyň ýokary okuw jaýlaryna girmek üçin görkezijilerini gowulandyrmaga kömek edýär.

Bu maksatnama Daşoguz, Lebap we Mary welaýatlaryndaky, şeýle hem Aşgabatdaky “Amerikan burçlarynyň” ofislerinde ýüzbe-ýüz (adaty) formatda geçiriler, Balkan welaýatynda ýaşaýan pedagoglar bolsa oňa onlaýn formatda gatnaşyp bilerler. Ýüzbe-ýüz okuwlar aýda bir gezek, ýekşenbe günleri geçiriler. Onlaýn çärelere gatnaşmak hem programmanyň möhüm aýratynlygydyr, bu bolsa gatnaşyjylara ýüzbe-ýüz sapaklara mümkin boldugyça netijeli taýýarlanmaga kömek edýär.

Mugallymlar nämäni öwrenerler:

• Talyplaryň ýetişigine baha bermek üçin maglumatlary ulanmagy.
• Anyk görkezmeleri bermegi.
• Synpda interaktiw we kommunikatiw ýumuşlary ornaşdyrmagy.
• Talyp merkezli (okuwçyny merkeze goýýan) okuw gurşawyny döretmegi.
• Sapak meýilnamalarynyň şablonlaryny ulanyp, mikro-okadyş (micro-teaching) tejribesini geçmegi.

Dalaşgärlere bildirilýän talaplar:

• Türkmenistanyň raýatlygy.
• Hususy okuw merkezlerinde doly ýa-da ýarym ştat işleýän mugallymlar we mugallym kömekçileri, şeýle hem hususy repetitorlar.
• Iňlis dilini kämil derejede bilmek (Advanced level).
• Alty aýlyk programa gatnaşmaga taýýar bolmak.

Zerur resminamalar:

• Prep4Success Teacher Program gatnaşyjysynyň doldurylan anketasy;
• Diplomyň/sertifikatyň nusgasy;
• Rezýume (CV);
• Içerki pasportyň nusgasy.

Bellik: Ähli resminamalar hökmany suratda ELEKTRON formatda tabşyrylmalydyr.

Arzalary tabşyrmagyň soňky möhleti: 01.02.2026, ýekşenbe güni, sagat 17:00-a çenli.

Hemme resminamalary degişli elektron poçta salgysyna ugratmagyňyzy haýyş edýäris:

• Aşgabat / Balkan welaýaty: p4sashgabat@americancouncilstm.org
• Daşoguz welaýaty: p4sdashoguz@americancouncilstm.org
• Lebap welaýaty: p4sturkmenabat@americancouncilstm.org
• Mary welaýaty: p4smary@americancouncilstm.org

Goşmaça maglumat almak üçin şu telefon belgilerine jaň edip bilersiňiz:

• Aşgabat / Balkan welaýaty: +99312 369016
• Lebap welaýaty: +993422 33771
• Daşoguz welaýaty: +993322 24103
• Mary welaýaty: +993522 47175

Giňişleýin maglumat: https://americancouncilstm.org/program_applications/prep4success-teacher-program-accepting-applications/#more-7345