2025-2026-njy okuw ýyly üçin Fransiýada magistr we aspirantura derejeleri üçin Eýfel talyp haky

France Excellence Eiffel talyp haky maksatnamasy Fransiýanyň Daşary işler ministrligi tarapyndan fransuz uniwersitetlerine zehinli halkara talyplaryny magistr we aspirantura maksatnamalaryna çekmäge kömek etmek maksady bilen döredildi.

Bu maksatnama hususy we döwlet pudaklaryndan geljekki liderleri ileri tutulýan ugurlar boýunça taýýarlaýar. Talyp hakyt Ýewropa we Daşary işler ministrligi tarapyndan maliýeleşdirilýär. Bu doly maliýeleşdirilýän talyp hakydyr: talyplar aýlyk stipendiýadan, uçag biletlerinden, göçüp gelmek üçin kömekden, saglyk ätiýaçlandyrmasynden we beýleki artykmaçlyklardan ybarat bolýar. Şeýle hem olar medeni çärelere gatnaşyp bilerler. Mundan başga-da, Ýewropadaky okuw töleginiň bahasy barada alada etmegiň zerurlygy ýok.

Eiffel Excellence talyp haky maksatnamasynyň dowamlylygy:

• Magistr derejesi M1: iň köp 12 aý
• Magistr derejesi M2: iň köp 24 aý
• Aspirantura: iň köp 36 aý

Eýfel talyp haky iki esasy ugurdan ybarat bolýar— magistr we aspirantura maksatnamalary üçin jemi ýedi ugur.

Ylym we tehnologiýa

• Biologiýa we Saglyk
• Ekologiýa geçişi
• Matematika we sanly tehnologiýalar
• Inženerçilik

Ynsanperwer we jemgyýetçilik ylymlary

• Taryh, fransuz dili we siwilizasiýa
• Hukuk we syýasy ylymlar
• Ykdysadyýet we dolandyryş

Kimler arzany tabşyryp biler:

• Halkara talyplary (Fransuz raýaty bolmadyklar)
• Iki raýatlygy bolan, olaryň biri fransuz raýatlygy bolan dalaşgärler bu maksatnama gatnaşyp bilmezler.
• Saýlanan wagtynda 25 ýaşdan uly bolmaly.
• Mundan ozalky bäsleşiklerden ret edilen bolsaňyz, arza berip bilmersiňiz.
• Mundan ozal Eýfel talyp hakyny alan talyplar 2023-nji ýyldaky stipendiýa maksatnamasyna arza berip bilmezler.
• Magistr maksatnamasy üçin Eýfel talyp hakyny gazanan dalaşgärler doktorlyk maksatnamasy üçin talyp hakyna arzalaryny tabşyryp bilerler.
• Fransiýada okaýan dalaşgärler magistr derejesine arzalaryny tabşyryp bilmeýärler. Fransiýadan daşarda okaýan talyplara doktorlyk maksatnamasy üçin fransuz talyplaryna garanda ileri tutular.
• Talyplaryň ýokary akademiki ýetişgenligi bolmaly.

Artykmaçlyklar:

• Aýlyk 1181 ýewro möçberinde stipendiýa.
• Halkara awiabiletleriň tölegi.
• Fransiýanyň içinde syýahat etmek üçin iki sany demirýol bileti (biri birinji okuw jaýyňyza, biri bolsa ikinji okuw jaýyňyza).
• Ýerli ulag üçin 50 ýewro çenli.
• Saglyk ätiýaçlandyrmasy.
• Medeni çärelere gatnaşmak mümkinçiligi.

Elýeterli maksatnamalar:

1. Ylym we tehnologiýa
2. Ekologiýa geçişi
3. Biologiýa we saglyk
4. Ylym we inženerçilik
5. Matematika we sanly tehnologiýalar
6. Ynsanperwer we jemgyýetçilik ylymlary
7. Taryh, siwilizasiýa we fransuz dili
8. Hukuk we syýasy ylymlar
9. Ykdysadyýet we dolandyryş

Gerekli resminamalar:

• Höweslendiriş haty
• Rezýume (CV)
• Uniwersitetde okaýan ähli ýyllary üçin akademiki transkriptler (egerş-de alyş-çalyş maksatnamalaryna gatnaşan bolsaňyz, ol ýerdäki akademiki ýetişgenligiňizi görkezmek hem möhümdir)
• Pasportyň nusgasy
• Dil bilimi baradaky şahadatnamalar (fransuz we/ýa-da iňlis dilleri), zerur bolsa

FRANCE EXCELLENCE EIFFEL TALYP HAKYNDA ARZANY NÄDIP TABŞYRMALY

Birinji ädim

• Siziň ýurduňyzdaky “Campus France” ýa-da Fransiýa ilçihanasynyň Medeniýet we hyzmatdaşlyk bölümi bilen habarlaşyň – olar size okuw meýilnamalaryňyzda kömek ederler.
• Arza tabşyrmagyň tertibi we möhletleri barada bilmek üçin fransuz bilim edarasynyň Halkara gatnaşyklar bölümi bilen onuň web sahypasy, e-mail ýa-da telefon arkaly habarlaşyň.
• Fransiýada okamak üçin meýilnamalaryňyza laýyk gelýän uniwersiteti saýlaň.

Fransuz uniwersitetleriniň ählisi arza tabşyryp bilerler.

Ikinji ädim

• Okuw jaýy France Excellence Eiffel talyp haky üçin arzaňyzy kabul edýär we goldaýar.
• Okuw jaýy arzaňyzy onlaýn Campus France web sahypasy arkaly tabşyrýar.

Bellik: Talyplar Eýfel talyp hakyna özbaşdak arzalaryny tabşyryp  bilmeýärler. Arzalar öz uniwersitetleri arkaly tabşyrylmaly. Eger siz birbada iki uniwersitetde okaýan bolsaňyz, diňe bir arza tabşyryp bilersiňiz.

Eýfel maksatnamasyna gatnaşmak isleýän bolsaňyz, şu ýere basyň: https://www.campusfrance.org/en/the-france-excellence-eiffel-scholarship-program

Eýfel maksatnamasy üçin gollanma: https://www.campusfrance.org/system/files/medias/documents/2025-10/REGULATIONS_EIFFEL_PROGRAM_2026_ENVF.pdf

SOŇKY MÖHLETLER

Campus France üçin arzany tabşyrmak üçin soňky gün: 8-nji ýanwar, 2026. Netijeler 2026-njy ýylyň 30-njy martyndan başlap yglan ediler.

Has giňişleýin: https://www.campusfrance.org/en/france-excellence-eiffel-scholarship-program