Hytaýdaky Dalian University of Technology (DUT) tarapyndan Magistr we PhD derejeleri üçin talyp haky, 2023

Hytaý Halk Respublikasynyň Bilim ministrliginiň talyp haklary Hytaýda magistr ýa-da PhD derejesini almak isleýän daşary ýurtly talyplar üçin elýeterlidir. Magistr we doktorlyk derejerinde okamak isleýänler 40 ýaşdan uly bolmaly däldir. Hytaý we Iňlis dillerini bilmek zerurdyr. Talyp haky doly okuw, ýaşaýyş jaýy we iýmit, lukmançylyk ätiýaçlandyryşy we aýda 3500 RMB stipendiýa berýär.

Artykmaçlyklary:

– Uniwersitet şäherçesinde mugt ýaşaýyş jaýy, tölegsiz okuw.

-Magistr derejeleriň talyplary üçin: aýda 3000 RMB.

-PhD talyplary üçin: aýda 3500 RMB.

– Saglyk ätiýaçlandyryş.

Bellik: dalaşgärler ýol tölegleriniň çykdajylaryny özleri ödemeli.

Talaplar:

1. Dalaşgärler Hytaý döwletiniň raýaty bolmaly däl we saglyk ýagdaýy gowy bolmaly.

2. Bilim derejesi we ýaş çäklendirmeleri:

Magistr derejesiniň dalaşgärleri bakalawr derejesini bitirmeli we 35 ýaşdan kiçi bolmaly.

PhD derejesiniň dalaşgärleri magistr derejesini almaly we 40 ýaşdan kiçi bolmaly.

3. Dil talaplary:

Doktorlyk we magistr derejesiniň dalaşgärleri gözegçi we bölümiň başy söhbetdeşlik ýa-da ýazmaça synag arkaly dil derejäňize baha berip biler.

Hytaý dilinde okadylýan programmalar üçin HSK şahadatnamasy (2 ýylyň içinde) talap edilýär:

3.1 HSK 4 180 ýa-da ýokary ylym, tehnologiýa, dolandyryş we ykdysadyýet bilen baglanyşykly hünärler üçin;

3.2 HSK 5 180 ýa-da ýokary ynsanperwer we jemgyýetçilik ylymlary, pelsepe bilen baglanyşykly hünärler üçin.

Iňlis dilinde okadylýan programmalar üçin iňlis dilini bilýändigiňiz barada şahadatnama talap edilýär:

3.3 TOEFL ýa-da IELTS synaglaryň şahadatnamalaryny tabşyrmaly, TOEFL baly 80 ýa-da ondan ýokary, IELTS baly 5.5 ýa-da ondan ýokary bolmaly;

3.4 Iňlis dilini mundan ozalky okuw jaýynda okuw dili hökmünde saýlan dalaşgärler, bu şahadatnamalaryň ýerine iň soňky okuw jaýy tarapyndan berlen tassyklamany tabşyrmaly.

3.5 Iňlis dili dalaşgäriň ýurdunda resmi dili hasaplanýan bolsa, dili tassyklamagyň geregi ýok.

Arza beriş tertibi we wagty

Dalaşgärler 2022-nji ýylyň 1-nji noýabryndan 2023-nji ýylyň 20-nji fewraly aralygynda arzalary we resminamalary School of International Education DUT bilim jaýyna e-mail (dutsice@dlut.edu.cn) bilen ibermeli.

Dalaşgärler aşakdaky resminamalary dogry doldurmaly we tabşyrmaly, resminamalary zip görnüşinde e-mail salgysyna bermeli, ýogsam arzaňyz ret ediler:

Resminamalary resminama tabşyrmagyň möhletinden öň ZIP görnüşinde dutsice@dlut.edu.cn iberiň.

E-mail mowzugy şeýle bolmaly: ” DUT application number + familiýa + at” (mysal: 20221100001 + ABDUR + MUHAMMAD).

1. Magistr / Ph.D arza resminamalaryň sanawy (Goşundylara serediň)

2. Hytaýyň hökümet talyp hakynyň dalaşgärleri onlaýn arzany doldurmaly, arzaňyzy çap etmeli we gol çekmeli.

Hytaýda okamak üçin CSC onlaýn amaly ulgamy http://www.campuschina.org sahypasynda elýeterlidir.

Bellik: Onlaýn anketany dolduranyňyzda, 10141 DUT belgisini ulanyň.

EGER-DE SIZ BARADA MAGLUMAT ONLAÝN ARZA ULGAMYNDA BARLAP BILMESEK, ARZAŇYZ KABUL EDILMEZ.

PhD derejesiniň programmalaryna girýänler şol bir wagtyň özünde Liaoning Government Scholarship talyp hakyna arzalaryny tabşyryp bilerler. (Programmalara serediň)

Dalaşgärleriň hemmesi, http://iso.dlut.edu.cn web sahypamyzda DUT-a onlaýn arzany tabşyrmaly.

Arzany tabşyrmak üçin soňky gün: 20 fewral, 2023

Habarlaşmak üçin:

Luna hanym

Tel: +86-411-84706048

Email: dutsice@dlut.edu.cn ýa-da dutfao@dlut.edu.cn

Doly maglumat: http://sie.dlut.edu.cn/info/10079/92039.htm